Asemblea da Educación Crítica

Acta do 10-04-2007, terça-feira

Ordem do dia:
1. Fechar a programaçom. Nomear as actividades.
2. Recursos necessários para as actividades.
3. Camisolas e crachás.
4. Exposiçom.
5. Difusom.
6. Proposta de ordem do dia para a seguinte assembleia

1. A programaçom ficou assim:

Faculdade de pedagogia
Segunda-feira 16:
às 12h: Influência do circo na vida da infância.( A tese de Martinha)
às 19h: Dinâmica do riso.(trai roupa cômoda e coxim)

Terça-feira 17:
às 12h: Educaçom entre barrotes (2 presos de Teixeiro, 1 educadora, 1trabalhadora)
às 19h: Cadeias: re-educativas ou vingativas? (Xavier Viana e ao melhor umha mai do coletivo presas)

Quarta-feira 18
às 12h: As bicicletas som para as mulheres. Empoderamento no meio rural.
às 19h: Centros Sociais na Galiza: uns outros jeitos de pensar e fazer educaçom.

Quinta- feira 19
às 12: Educaçom popular: experiências que fam pensar.
às 19: In-formar-se para combater. Meios de comunicaçom alternativos”.

Faculdade de magistério.
Segunda-feira 16 Abril
às 19: As músicas tradicionais como ferramentas educativas.

Terça-feira 17 Abril
às 12: Propostas de normalizaçom lingüística.
às 19: Obradoiro: Aprendizagens intuitivas (o de Nekane)

Quarta-feira 18 Abril
às 12: IS e Maio do 68. Reproduçom da estrutura de clases a través do ensino.
às 19: “Modelo cigano de resoluçom de conflitos”.

Quinta-feira 19 Abril
às 19: Processo Bolonha: Que é? Como nos afecta? Que podemos fazer?

Carvalheira de Sam Lourenço
Sexta-feira 20 Abril
Às 14 jantar popular, foliada, crítica da crítica, obradoiros:globoflexia, malabares.
Á noite festa concerto (?) na casa encantada (rúa betanzos 34).

Também se acordou preparar algumha actividade para às noites:
Um contacto de Lua estaria disposta a desenvolver talheres como tingir camisolas, fazer velas...etc. Mas nom se difundem porque nom temos lugar, data, materiais,etc. Portanto aguardamos a te-lo preparado e anunciamo-lo ao longo da Semana.
O Teatro do Oprimido era umha proposta para a Semana de Xabi, seria um obradoiro de iniciaçom para a segunda-feira à noite, porém falta por concretar o espaço, possivelmente a Gentalha

2.Recursos necessários para as actividades
Fica Lua encarregada de falar com o decanato para as aulas e os canons que se precisam a segunda-feira, terça-feira e quarta-feira póla manha no cámpus Sul.
Para o obradoiro de risoterapia, para o de penitenciaria e o dos centros sociais, que som todos no cámpus sul, a segunda, terça e quarta, precisam-se espaços amplos, mas acordou-se nom pedir o salom de grãos porque a estrutura se considera inapropriada para o marco da Semana.

3. Camisolas e crachás.
Acordamos fazer 80 camisolas mais. Umhas 30 para regalar às que trazemos de “convidadas”. E o resto para vendermos durante a Semana e também para os muitos pedidos que há de camisolas. Nom acordamos as cores e as talhas porque imos fazer primeiro um repasso das que mais se demandarom e das que sobrarom. Ficam encarregadas de repassar o das camisolas Mané e Olalha.
Também se acorda fazer umha outra tiragem de crachás, mas nom se fecha nem quais nem quantos.

4. Exposiçom
Acordamos seguir adiante com a exposiçom sobre os movimentos sociais e a Assembléia deposita toda a sua confiança no grupo de trabalho formado por Maria, Xabi e Delphine.

5. Difusom
Decidimos que o cartaz dos olhos com o lema e o da menina com o programa devem ir sempre juntos e fazer 200 a cor de cada um. Também faremos 400 programas de mão, em branco e preto. Fica encarregada a Comissom de Difusom e compromete-se a traze-los já manha para ir colando-os.

Proposta de ordem do dia para o 11-04-2007:
1. Comissom financeira. Infra-estruturas (comidas, auto-organizaçom)
2. Apresentaçom das ponencias, obradoiros...etc.
3. Si ou nom inscriçom?
4. Difusom
5. Reunions post-semana

Actividades para a Autogestom:
Rastro-Obradoiro.
Festa- Concerto: no Tarasca e no Avante.
Vender rifas para o sorteio de livros.
Fazer camisolas e crachás.

Asamblea da Educación Crítica

Acta 14.03.07

1. Rastro:

El rastro del 20 de marzo se pospone para hacerlo el martes siguiente, 27 de marzo, durante todo el día.
Para la próxima reunión, se decidió que todas trajéramos un inventario de lo que podemos vender.
Se habló de lo que se iba a pedir por cada cosa que se vendiera y se barajaron algunas ideas: un precio simbólico, que fuera algo voluntario y cada persona pagara lo que quisiera, poner un mínimo…
Maria, Elena y Mane podían llevar unas tablas y caballetes para montar todo.
También se van a hacer carteles de difusión para anunciarlo.

O partido do dianho llevará su puesto con los libros de su editorial.

2. Difusión:

Se eligieron los diseños de la camiseta y de las chapas.
Para las camisetas (100 unidades) un niño escribiendo en una pizarra y debajo del dibujo: XXII Semana da Educación Critica. “Outra educación e posible. Camiñamos utopías”
Para las chapas (100 unidades) hay diferentes dibujos y frases. Se intentarán hacer chapas de diferentes tamaños para que se vean bien los dibujos.

María contactó con varias empresas de serigrafía y se optó por una que nos deja 100 camisetas y 100 chapas por 255 euros.
Mane y Andrea se encargan de ir al lugar.

Venderíamos las camisetas a 7 euros y las chapas a 1 euro, ganando 545 euros en total.

3. Fiesta en el Tarasca:

El horario es de 22:00 a 2: 30h y nos llevamos el 30% de las consumiciones. Podemos decorar el local como queramos.
Ya están hechos los carteles que se empezaran a pegar el lunes.
También se fijó el sorteo de un lote de libros (Pepe) de 30 euros, o partido do dianho se encarga de hacer los papeles para la rifa.

4. Orden del día 21. 03. 07:

Se acordó que toda la reunión se centrará en planificar la semana da educación crítica. Puntos a tocar:
- Confirmar la reducción de horarios (hablar con Belén Caballo)
- Ubicación: en los dos campus simultáneamente, cada día en un campus…
- Horarios
- Revisión de las propuestas del buzón amarillo, elegir actividades
- Definir cómo se van a plantear las actividades (metodología)
- Contactos de los que disponemos
- Numero de actividades cada día
- Etc.

En definitiva concretar una propuesta porque queda poco tiempo para que sea la semana. También se habló de que a partir de ahora igual se debería hacer mas de una reunión a la semana para que nos de tiempo a prepararlo todo.

Acta 11 (28-02-07)

1. Propostas para a autoxestión
2. Propostas para a Semana da Educación Crítica
3. Parar as aulas durante a Semana?
4. Espacialidade e temporalidade das actividades da Semana.
5. Difusión
6. Revisión do Blog
7. Orde do día para a asemblea do 7 de marzo.

1. Propostas para a autoxestión...
• A Asemblea decidiu autoxestionarse deixando unha porta aberta ao diñeiro da facultade do que dispomos.
• Podemos contar tamén cos cartos do Partido do Diaño sempre e cando non fagamos uso dos cartos da universidade. Estes cartos proceden da venda dunhas rifas dun lote de libros da súa editora. Trataríase duns 200 euros.
• Dispomos tamén de 80 euros que sobraron do ano pasado.

Propostas:
- Facer camisetas. Cada camiseta custaría uns 2 euros. Contacto Javi.
Lúa vai contactar coa rapaza que fixo o deseño o ano pasado.
Para o próximo día levar posibles propostas de deseños.
Ao final, farase unha votación popular.
- Rastrillo-Obradoiro. Antes do día en cuestión deberíamos reunirnos para ver que cousas queremos facer e vender ( Non todo é vendíbel!). Contactemos con xente a quen lle poda interesar participar .
O lugar para realizar esta actividade sería a praza Cervantes e o máis seguro é que precisemos un permiso. Para obtermos este permiso, debemos informarnos no rexistro (está na rúa Salvador Allende, detrás de Galeras).
- Festa. Javi preguntará no Tarasca, Gentalha...

2. Propostas para a Semana da Educación...
Esta é a primeira chuvia de ideas que saíu da caixa de correos amarela e das nosas bocas. Alá vai:

- Educación como dominación de clase.
- Lucía de Abreu ( apoio dende a asemblea).
- Maio do 68 e Internacional Situacionalista. ( existe un documento publicado antes do maio do 68 que sería interesante deixar saír á luz).
- Lingua-Norma-Ensino
- LOU. Lembrar o movemento universitario que surxiu durante a LOU. Facer unha exposición fotográfica por exemplo.
- Movemento en Rênne ( Delphine).
- Sobre educadores críticos.
- Educación penitenciaria ( coa presenza de persoas presas).
- Educación sexual. Ana e Javi dispoñen de contactos.
- Palestra sobre os “Medios de Comunicación Alternativa”.
- Os centros sociais como comunidade educativa na Galiza.

Despois de deixar chover todas estas ideas, na Asemblea suscitouse as diferentes metodoloxías ou formas nas que se poderían realizar as actividades.
É importante que as “actividades” rachen coa típica imaxe dunha aula maxistral. Como as apresentaremos? Conferencias dinámicas, foros, palestras, actividades de “facer facer”( obradoiros). Podemos oferecer todas estas formas segundo a actividade.

3. Parar as aulas durante a Semana?
Suprimir todas as aulas pode significar unha redución de xente importante. Por iso a Asemblea decidiu que o máis efectivo sería reducir as aulas nun 50%. Cada clase terá a metade da duración habitual.

4. Espazo e tempo das actividades da Semana.
A idea do ano pasado de facer actividades simultáneas nos dous campus xerou un debate: facer moitas actividades simultáneas? Ou deixar as forzas para actividades puntuais nas que podan asistir todas as persoas?
Aprazamos este tema para cando teñamos todas as actividades máis definidas.

5. Difusión.
Está a ser eficaz o proceso de difusión das Asembleas e da Semana?
Deberíamos ser máis constantes en difundir a mensaxe cada semana nas respectivas facultades.

6. Revisión do Blog.
O Blog está a sofrer algún problema. Olalha contactará cunha rapaza que pode botarnos un cabo co funcionamento do Blog.

7. Orde do día para a asemblea do día 7 de marzo
- Difusión.
- Dar unha resposta á coordinadora.
- Deseños das camisetas
- Sobre a chuvia de ideas.
- Contactos dos que dispomos

ACTA 10 (14-2-07)

1ºCartazes
2ºBlog
3ºAuto-gestiom ou subvençom
4ºCoordenadora
5ºPropostas para a Semana
6ºOrdem do dia para a assembleia do 21 de fevereiro

1ºCartazes
Segundo o e-mail de um companheiro, o cartaz do gnu ofendia a sua sensibilidade, já que era vegano e considerava o cartaz especista. Chega-se ao consenso que é melhor fazer novos cartazes que nom impliquem a exclusom de nengum colectivo. Assumindo que a assembleia é umha entidade plural. Neste sentido também se falou da conveniência de empregar no âmbito público da assembleia (cartazes, blog…) a língua galega, tanto na normativa actualmente oficializada como na reintegrada.
A comissom de difusom fica encarregada de fazer estes novos cartazes, a poder ser em papel reciclado.

2ºBlog
Vai-se mudar o actual endereço -ao estar em castelhano- por um em galego sem gralhas.
Fan falta propostas para enche-lo de conteúdo.

3ºAutogestiom ou subvençom
O primeiro apontar que haveria duas fontes de subsídios: a) faculdade com 900 euros e nom tem que aparecer logo, nem nada, só pedem um projecto da semana e umhas conclusons e b) vice-reitoria que exigem por o logo e justificar com facturas

Depois dum produtivo debate em que se derom distintas ideias a favor e em contra como que esse dinheiro é para os estudantes e que se nom o colhemos, seria contraditório que usemos os espaços da universidade. Mas, apontou-se que era mais bem um problema de filosofia da assembleia, ja que a universidade nos obriga a por a sua imagem no nosso projecto, em certa maneira, fagozita-nos. A política de subvençons é umha questom interna da universidade e qualifica-se como miserenta. Seria demonstrar que poderíamos funcionar sem isso e trabalhar de outro jeito, ainda que seja mais complicado e com um ritmo distinto e, a pesar do tempo e esforço engadido, vemo-nos com forças e valoramos esse trabalho como um jeito de formar-nos. E em todo caso, se passa qualquer cousa, sempre teremos esse dinheiro ai.

Propostas para a auto-gestiom:
a)RIFAS (nossas e do Partido do dianho que ainda está por confirmar);
b)RASTRILHO-OBRADOIRO (fazer umha listagem de cousas que podamos levar e reciclar lixo e outros refugalhos)
c)TOCAR NA RUA E CONTA-CONTOS (brais)
d)FESTA (meados de março no tarasca-gentalha-embora-?… por confirmar local)
e)CAMISOLAS E CRACHÁS (por confirmar preços e desenhos)

4ºCoordenadora
Aceita-se com gosto o convite da coordenadora e Mané é a encarregada de se por em contacto com eles. Um tema da semana seria o processo de bolonha e que participem.

5ºPropostas para a Semana
PROCESSO DE BOLONHA
LÍNGUA-NORMA-ENSINO

6ºOrdem do dia para a assembleia do 21 de fevereiro
1.Autogestiom-actividades
2.Blog-secçons
3.Parar as aulas, quanto? como?
4.Relaçom com o professorado
5.Passar por aulas para informar
6.Boicote aos diálogos com a juventude impartido por um militar o 27 de fevereiro as 19:00
6.Ordem da próxima assembleia

AVISO: Nom reenviar e-mails ao correio da assembleia, leva muito spam

ACTA 9 (7/2/2007)

Na xornada do 7 de Febreiro de 2007, reunímonos de novo no local de alumnos da facultade de Xeografía e Historia. Nesta ocasión houbo un pequeno baixón de xente, de seguro debido á época de exames en que nos encontramos e conformamos un grupo de 7 persoas. Como moderadora da asemblea contamos coa axuda de Laura, sendo María a secretaría.

Como de costume, leuse a acta da asemblea anterior onde xa estaban recollidos os temas a tratar no día. Asemade, tamén se incluíron na orde do día un par de puntos novos que xurdiron entre a semana pasada e esta para tratalos na sesión. A orde quedou establecida como segue:

1. Actividades de Difusión. Aquí quixemos incluír a lectura do e-mail que o noso compañeiro Adri nos mandou ao correo da asemblea en relación cos novos cartaces que se colaron polas facultades ao longo da semana pasada.
2. Falar sobre o buzón de propostas de actividades. Chuvia de ideas
3. Papel dos profesores/as na organización/desenvolvemento da SEC.
4. Realización de dinámicas grupais entre as persoas da asemblea, ao remate desta.
5. Procura de subvencións/autoxestión.

1º Punto
Despois de ler o e-mail de Adri, pensamos que deberíamos tomar unha decisión sobre a aprobación ou non destes cartaces. Nesta tesitura, consideramos axeitado agardar unha semana máis para falar de volta sobre este tema xa que ningún dos encargados destes cartaces (Olalha e Marcos) estaban na asemblea.
Asemade concluímos que, ao igual que tomamos o galego como a nosa lingua “asemblearia”, tamén sería oportuno decidirmos a lingua de expresión para nos difundir (enténdese que non a nivel individual –de e-mails ou comunicados persoais- senón a nivel de colectivo, para a difusión da Asemblea da Educación Crítica).
 Para a difusión vía cartaces, proponse a procura de imaxes novas e convócase a todos os participantes da asemblea para que nos deleiten coas súas propostas . A Comisión de Difusión encargarase de traer bocexos o antes posíbel do que serán os vindeiros cartaces.
 Como último punto dentro das Actividades de Difusión, propúxose que á volta dos exames poderíamos retornar ás aulas a informar sobre a existencia da Asemblea da Educación Crítica. Incluídas facultades que non pertenzan a
Ciencias da Educación.

2º Punto
 Fixemos o buzón amarelo de ideas no que cada quen pode incorporar novas propostas que vaian xurdindo ao longo das quedadas. Cómpre salientar que xa temos varias ideas dentro do buzón (Pepe e Lucía de Abreu). Asemade, propúxose que a/o secretaria/o de cada sesión sexa o encargado de levar consigo o buzón e traelo de volta o seguinte mércores.
 Con relación á proposta de temas para levar a cabo na Semana, Olga fixo fincapé na conveniencia de consensuar primeiro a liña de educación crítica que queremos manter, o tipo de actividades que queremos que se inclúan na Semana; isto é interesante telo máis ou menos claro para inscribir dentro os temas.
Os puntos 3, 4 e 5 non foron abertos por falta de tempo. Saíron, de todos os xeitos, outros temas que cómpre salientarmos:

 Pepe propuxo un proxecto de colaboración (achegamento de cartos mediante a venda de rifas) desde a súa distribuidora Partido do Diaño. Queda para a vindeira sesión a información sobre o funcionamento da distribuidora. [Apartado de subvencións/autoxestión]

 Ana intégrase na Comisión de Difusión.

 Grazas a colaboración do noso compañeiro Adri, creouse un blog que todos podemos visitar neste enderezo web: www.asambleaeducacioncritica.blogspot.es

 O tema da Coordenadora de Assembleias queda por tratar na vindeira xornada, xa que se amosa un apartado longo.

 Proponse tempos para cada punto da Orde do Día. Así como existe un tempo delineado para cada sesión, enténdese que os puntos do día deberían ter tamén un limite para así os poder abordar todos e non ir arrastrando puntos de sesión en sesión.

A asemblea do día 14 de febreiro terá, por tanto, a seguinte Orde do Día:

1. Estabelecer os tempos para cada punto da Orde do Día.
2. Falar sobre o nacemento do noso blog.
3. Falar sobre a Coordenadora de Assembleias.
4. Papel dos profesores/as na organización/desenvolvemento da SEC.
5. Realización de dinámicas grupais entre as persoas da asemblea, ao remate desta.
6. Procura de subvencións/autoxestión.

ACTA 8 (31/1/2007)

A pasada Asemblea da Educación Crítica celebrouse na facultade de Historia, no local de alumnos. Eramos máis/menos unhas 12 persoas e, seguindo o sistema da mesa, Olalha actuou como moderadora e Olga e Sabrina como secretarias.

Tras a lectura da acta da asemblea anterior, e recollendo algúns dos puntos propostos para esta asemblea, a orde consensuada de cuestións a tratar foi a seguinte:

1. Pechar o punto sobre as Comisións
2. Pechar o punto sobre a dinamización para a maior participación
3. Pechar o punto sobre as dinámicas grupais entre os participantes
4. Proposta /Votación da data da celebración da SEC (hai unha data proposta: do 16 ao 20 de Abril)
5. Cuestións propias da XXII Semana da Educación Crítica:
• Concesión ou non de crédito ás/os participantes
• Papel dos profesores e profesoras na organización/ desenvolvemento da SEC
• Redución/ supresión das clases durante o desenvolvemento da SEC
• Forma de traballo (comisións ou non) durante a organización da SEC
• Difusión (obriñas de teatro...)

Pto. 1:
* Respecto ás Comisións de traballo, tomouse a decisión de que se traballaría por medio delas para a organización da Semana, así como que podería tamén considerarse o seu uso para outros aspectos vindeiros da Asemblea.
* Creamos as seguintes comisións: C. de Difusión, C. Económica e C. de Papeleo; e estabelecemos algunhas das principias funcións que desempeñarían:
• C. de Difusión: facer e pegar carteis, difusión das asembleas, recollida de propostas para desenvolver (temas para a Semana,…), colaboración co Cineforum proposto por María.
• C. Económica: elaborar as ideas dadas na asemblea para facer o proxecto que se presentará coa fin de obter algunha subvención; xestionar os papeis destas subvencións; buscar métodos alternativos de subvención;…
• C. de Papeleo: gardar os nomes dos contactos para dinamizar a Semana; manter as comunicacións escritas co profesorado, decanato; manter as relacións co exterior (prensa,…)
* Os integrantes das comisións son, polo momento, as seguintes persoas:
- C. de Difusión: María, Javi, Andrea e Delfín
- C. Económica: Elan, Mané e Olga
- C. de Papeleo: Carolina, Laura e Sabrina
As persoas que non se anotaron en ningunha das comisións, poderán facelo en calquera momento, prestar apoio parcial ou integrar futuras comisións que poidan xurdir, en base as necesidades que se vaian presentando.
* Respecto a Comisión de Difusión, considerase que debe comezar xa de inmediato co traballo. Así, Olalha e … fixeron un cartel para promover a participación na construcción da Semana crítica.
* Xunto a isto, a definición das funcións da Comisión Económica trouxo o debate sobre a autoxestión ou non frente as axudas económicas dadas pola USC. Non se tomou unha decisión clara respecto a isto, polo que queda pendente para próximas asembleas.
Ademais, Olga quedou encargada de mandar por correo as contas da Semana do ano pasado, así como a memoria elaborada sobre as diversas iniciativas levadas a cabo na XXI Semana, posto que se considerou unha información interesante para termos un punto de partida na organización deste ano.
Xurdiu tamén a proposta de crear un Blog en Internet para comunicarnos. Tamén a creación dun grupo Yahoo. Finalmente, quedouse por agora coa idea de que as actas e demais comunicacións que queiramos facer á Asemblea, enviarémolas a todos os enderezos do e-mail dos integrantes desta.
Finalmente, Javi propuxo crear un buzón para irmos recollendo as propostas de temas a tratar a través das diferentes iniciativas da Semana.

Pto 2 e 3:
Non se estabeleceu nada concreto respecto a estes puntos da orde do día.
Pto 4:
Decidiuse que a data para a celebración da XXII Semana da Educación Crítica sería a barallada ata agora: do 16 ao 20 de abril. Tomouse esta decisión para evitar que a Semana coincidira antes ou despois dalgún prácticum de Ciencias da Educación, así como de datas festivas.
Pto 5:
En relación as cuestións propias da Semana, somente se tocou o tema da concesión ou non de crédito de libre elección ós participantes. Decidiuse que Non sería concedido, por contrariar esto as ideas da Semana Crítica.
Por último, estableceuse a seguinte Orde do Día para a asemblea do día 7 de febreiro:
1. Actividades de difusión
2. Falar sobre o buzón de propostas de actividades. Choiva de ideas
3. Papel dos profesores e profesoras na organización/ desenvolvemento da SEC
4. Realización de Dinámicas grupais entre as persoas da asemblea, ao remate desta.
5. Procura de subvencións.

ACTA 7 (24/1/2007)

A pasada Asemblea da Educación Crítica celebrouse na facultade de Maxisterio (Campus Norte). Eramos 12 persoas e, seguindo o sistema da mesa, Ana actuou como moderadora e Elena como secretaria. Tras a lectura da acta da asemblea anterior, e recollendo algúns dos puntos propostos para esta asemblea, a orde consensuada de cuestións a tratar foi a seguinte:

1. Lugar, periodicidade, calendario, hora, duración e “quorum” da asemblea
2. ¿Todo o que se faga a favor da Semana ten que ser previamente decidido na asemblea?
3. ¿É importante que elixamos a algunhas persoas de referencia dentro da Asemblea?
4. ¿@s representantes de alumnas teñen potestade para falar da Semana nas Xuntas de Facultade e demais comisións de traballo?
5. ¿Dentro da Asemblea traballaremos por comisións (ou pequenos grupos)?
6. Dinamización do Campus Norte
7. Dinámicas de grupo entre os membros da asemblea
8. Cuestións propias da XXII Semana da Educación Crítica:
• Concesión ou non de crédito ás/os participantes
• Papel dos profesores e profesoras na organización/ desenvolvemento da SEC
• Reducción/ supresión das clases durante o desenvolvemento da SEC
• Forma de traballo (comisións ou non) durante a organización da SEC

1.Lugar: O debate principal en torno ó lugar de celebración das asembleas xiraba en torno a dous puntos principais:
- ¿levala a cabo sempre no mesmo lugar ou ser “nómades”? E
-¿Celebrala nos campus de CC. Da Educación (Norte e Sur ) ou nun lugar céntrico?
O principal argumento que se barallou a favor dun lugar fixo foi a importancia de establecer un lugar de referencia permanente, onde todas/os saibamos que ese é o espazo dedicado á xestación da SEC. Ademais, deste xeito, todas aquelas persoas que queiran participar saberán ónde dirixirse cada mércores. Precisamente, a principal desvantaxe de “facernos nómades” pareceu ser a posíbel confusión dos participantes potenciais e mesmo dos que xa participamos. Sen embargo, a idea principal desta proposta nómade era a de facérmonos visíbeis en diferentes lugares, de xeito que a SEC estivera presente máis lugares.
Finalmente a asemblea decidiu que o máis axeitado sería celebrala nun lugar fixo anunciándoa con antelación mediante carteis en diferentes facultades, na rúa...
En canto ao espazo, os argumentos a favor dos campus de CC da Edu. (Norte ou Sur) foron que ese sería o lugar onde se desenvolvería a SEC, polo que sería importante facerse visíbeis nese contexto; e que a maioría das persoas que participamos habitualmente pertencemos ó campus de Educación.
Por outra banda, un lugar céntrico para a celebración das asembleas parecía axeitado, tendo en conta o carácter aberto da asemblea, e que a educación crítica vai alén dos muros dunha facultade de educación. Ademais, a nivel máis práctico esta opción parecía ser a máis cómoda tendo en conta a hora das reunións.
Así que finalmente, a decisión foi elixir un lugar céntrico.
¿Cal? Barallouse a Facultade de Filosofía, o I.E.S. Rosalía de Castro (que se desestimou por non ser posíbel que nos deixen alí unha aula) e a Facultade de Historia. A asemblea xa se tiña reunido no local de alumnos desta facultade, que permanece aberto durante todo o día e non é necesario ningún permiso. Conta ademais cunha mesa e unhas 15 cadeiras.
Logo o lugar elixido foi o local de alumn@s de Historia.

Periodicidade e calendario: polo momento, seguirémonos reunindo semanalmente cada mércores, como xa estabamos facendo. O mércores pareceu axeitado por estar no medio da semana, e tendo en conta a traballo que supón a realización da SEC así como outras actividades, unha reunión por semana pareceu necesaria.
Debateuse se, na época de exames seguiría funcionando a asemblea, e a decisión foi que si.

Hora e duración: Almorzar xunt@s pareceu a idea máis atractiva por ser unha hora que a maioría tiñamos libre. Polo tanto, a hora consensuada para comezar as asembleas: 14,15.
Ante a proposta da importancia de coñecer tanto a hora de empezar como a hora de rematar as reunións, propúxose que, en principio, a duración das asembleas fora de unha hora e media, rematando ás 15,45.
Este horario, ademais, trata de adaptarse a aquelas persoas que temos clase polas manás (rematando ás 14,00 h) e/ou polas tardes(comezando ás 16,00 h)

Quorum: En canto ao numero de persoas que deberían estar presentes para que se leve a cabo celebración da asemblea, a decisión foi que se ás 14,15 están mesmo 2 persoas, estas poden comezar o intercambio de ideas (ou o que queiran). A condición final resultou a seguinte: para que a asemblea poida tomar decisións deberá haber un mínimo de 5 persoas.

En síntese, a decisión en canto ao primeiro punto foi o seguinte:
A asemblea reunirase cada mércores de 14,15 a 15,45 h no local de alumn@s da Facultade de Historia. Tomaranse decisións no caso de haber máis de 5 persoas e anunciarase con antelación mediante carteis nas facultades de educación (C.N. e C.S), outras facultades, na rúa... onde figurará a nosa dirección de correo electrónico.

2. Partindo da base de que o máis positivo é levar o maior número de propostas/iniciativas á asemblea, decidiuse que haberá accións que será necesario falar previamente na asemblea antes da súa realización, como cuestións que atinxan á filosofía da asemblea, por exemplo.
Actividades como as de difusión (carteis anunciando asembleas, etc...) serán iniciativas moi positivas aínda que sexa a nivel individual: polo tanto, a compañeira Olga queda eximida de toda culpa 

3. Neste punto, a decisión foi que tanto a nivel interno coma externo, os referentes seremos tod@s: a nivel interno (dentro da asemblea) @s referentes serán, en todo caso, a persoa moderadora ou secretaria (nomeadas para esa asemblea) e, sobre todo o noso correo electrónico, onde se enviarán as ideas, propostas que surxan durante a semana. A nivel externo (actividades de difusión polas clases...) tampouco haberá ningunha persoa concreta como referente.

4. O debate aquí xirou en torno á potestade d@s representantes de alumn@s que participan na asemblea para falar de temas que afectan directamente á SEC nas Xuntas de Facultade. A condición que se puxo foi que sempre se falara de puntos xa aprobados na asemblea.
Considerouse positivo que entre @s participantes na organización da SEC estean representantes, xa que deste xeito haberá un intercambio de información bidireccional: os representantes farán que a SEC estea presente ante o profesorado, e ademáis, a asemblea coñecerá de primeira man qué se fala da SEC entre eles.
Os representantes avisarán con antelación (sempre que sexa posíbel) ás/os compañeir@s da asemblea sobre a futura celebración da Xunta de Facultade, para facer propostas conxuntas.

5. En canto ao funcionamento por comisións, resultou positivo que a asemblea xeral se dividise en pequenos grupos de traballo, por considerarse máis operativo. Esto sería no caso de ter que realizar algunha actividade cultural, de difusión, etc, sempre con carácter aberto.
Este punto quedou pendente de retomar na próxima asemblea.

6. Ante a proposta da necesidade de dinamizar o C.Norte (xa que é característico o baixo nivel de implicación dos estudantes norteños durante a SEC) xurdiu a necesidade de dinamizar “en xeral”. Neste punto comezouse un interesante debate cuestionando o por que da non participación de novas persoas na organización da SEC, preguntándonos se en realidade coñecen cal é a finalidade da mesma.
Xurdiron propostas de dinamización como visitas nas aulas propoñendo unha chuvia de ideas sobre a SEC; solicitar a colaboración para colar cartaces...
Este punto quedou pendente de retomar na próxima asemblea.

7. No tocante á proposta de realizar dinámicas grupais entre os presentes ao fin de cada asemblea, cuestionouse se habería tempo para levalas a cabo, se se faría con contidos relacionados coa asemblea, se non sería un traballo engadido...
Xurdiu a proposta de facer unha cea como a mellor dinámica de grupo, incluso de carácter aberto, invitando (a vir) a toda persoa que queira participar na asemblea/ SEC...
Este punto tamén quedou pendente de retomar na próxima asemblea, xa que non estaban as compañeiras que o propuxeran na asemblea anterior.

O punto 8 sobre cuestións propias da SEC pospúxose para a próxima asemblea.
Finalmente votouse a acta do día para a próxima asemblea do 31/1, que é a seguinte:

1. Pechar o punto 5 sobre as Comisións
2. Pechar o punto 6 sobre a dinamización para a maior participación
3. Pechar o punto 7 sobre as dinámicas grupais entre os participantes
4. Proposta /Votación da data da celebración da SEC (hai unha data proposta: do 16 ao 20 de Abril)
5. Cuestións propias da XXII Semana da Educación Crítica:
• Concesión ou non de crédito ás/os participantes
• Papel dos profesores e profesoras na organización/ desenvolvemento da SEC
• Reducción/ supresión das clases durante o desenvolvemento da SEC
• Forma de traballo (comisións ou non) durante a organización da SEC
• Difusión (obriñas de teatro...)

ACTA 6 (17/01/07)

Depois do parom motivado polas férias do natal, voltamo-nos reunir para seguir no trabalho deste projecto colectivo-assembleario. Convocamos esta assembleia com um carácter “constituinte” com a fim de sentar as bases que nos permitam avançar. Desta maneira havia muita aspectativa em que fora umha juntança multitudinária (polo menos contávamos com as pessoas que de algumha maneira já estavam vencelhadas no projecto), logramos convocar 10 pessoas (quase todas do campus Sul) [estaria bem valorar este ponto]. Ainda assim conseguimos criar umha boa dinâmica de discussom e proposta de ideias que apresentamos na seguinte acta.

Em primeiro lugar estabelecemos umha serie de pontos do dia e umha ordem para os tratar, a “matéria prima” de estes pontos forom as perguntas que se formularom no e-mail e precisavam um debate e umha resposta.
Por primeira vez puxemos em practica o sistema da mesa, com umha moderadora que recolhe e modera os turnos de palavra e secretária que toma notas para a elaboraçom da acta do dia. Com carácter rotatório e há de estabelecer-se em cada assembleia. Neste caso fomos Mané como secretaria e Xavier como moderador.
Esta foi a ordem aprovada:

1.- definiçom da identidade da assembleia
2.- lugar, duraçom e periodicidade da assembleia
3.- proposta de pontos a tratar na vindoura assembleia

1. Em primeiro lugar o debate sobre a nossa identidade como assembleia, que ocupou a maior parte do tempo, girou entre dous conceitos (ou funçons) e relaçom entre eles: “Assembleia de estudantes da Faculdade de CC. da educaçom” e “Assembleia organizadora da SEC”
Neste debate foi importante a ideia de manter na assembleia um carácter “aberto” tanto na participaçom como nas iniciativas que se puderam desenvolver. Por outra banda também se sinalara a oportunidade de se inserir no movimento assembleário que se esta a artelhar na universidade.
Desta discussom surgirom varias possibilidades:
- organizar duas assembleias separadas, umha só para temas “estudantis” e umha outra relacionada com temas da SEC
- dentro da mesma assembleia sesions (ou reunions) monotemáticas.
- Distribuir as temáticas na mesma reuniom nos pontos da ordem do dia
A conclusom a que se chegou foi que resultaria mais operativo e mais enriquecedor integrarmos na mesma assembleia as duas funçons e plasma-las como pontos da mesma ordem do dia.
Em questom de nomenclatura decidiu-se nomear-nos como Assembleia da Educaçom Crítica, por ser a postura mais aberta a todos os níveis, nom é exclusiva de estudantes, nem universitários, nem nengum projecto em concreto)
De todos os jeitos os eixos fundamentais aos que gira a actividade som:
a) organizar a SEC
b) programaçom e difussom de outras propostas
c) questons universitárias

2. Em segundo lugar começamos o debate em torno ao lugar e a hora mais ajeitados para juntar-nos. As propostas forom:
a) estabelecermos um sitio céntrico de reuniom ( história, filosofia...)
b) alternância campus norte e campus sul
c) fixar no campus norte ou sul
d) assembleia nômade
este debate estivo mui vencelhado ao próprio carácter da assembleia, a questom de facilitar a participaçom a outros colectivos, a ‘visibilidade’, a conveniência dos que já participamos...
nom pudo fechar e seguiremos a vindoura reuniom

por ultimo surgiu a proposta de fazer umha dinâmica em cada assembleia a carrego rotatório que podia coincidir com os membros da mesa.

3. Pontos a tratar na próxima assembleia:

- retomar o debate sobre lugar hora duraçom e periodicidade
- reponder as questons do e-mail que adiamos desta última assembleia e ainda nom debatêramos: créditos, implicaçom do professorado, datas, suspensom de aulas, comissons...
- as dinâmicas

ACTA 5 (13-12-06)

Para comezar a asemblea, Olga resumiu o falado e acordado nas dúas asembleas anteriores para poñérmonos todos ao día. A continuación tratamos:

- Proposta da data en que se podería facer a Semana . Cremos que a data máis axeitada sería a do 16 ao 20 de Abril por non coincidir con ningunha festividade a semana anterior nin a posterior aínda que cómpre saber a data de prácticum de 3º de Ed.social(por favor canto antes a enviedes mellor).

- Hai unha rapaza nova na organización. É de educación social e chámase María. María apresentou un proxecto para levar a cabo unha serie de sesións de CINE FORUM que se poderían encadrar dentro da programación da Semana da Educación Crítica, mais sen realizarse nesa mesma semana (lembro que se falou de facer actividades complementarias noutras datas que non sexan a da Semana de seu).

- No camiño da proposta de María lembramos a proposta de Nilson de facer como actividade complementaria un CONCURSO de FOTOGRAFÍA que podería culminar na Semana en si na que se podería facer unha exposición destas fotografías e dar o premio.

-Lembramos tamén que seguen abertas as comisións de papeleo , difusión e contactos e que a comisión de finanzas xa está completa.

- Por outra banda seguimos a pasar por aulas, aínda que hai bastantes clases do Campus Norte polas que non se pasou ( tódolos terceiros salvo musical e tamén 1º de infantil). Así mesmo Lore pasounos a colleita de ideas que levou a cabo na súa clase con ideas interesantes das que se pode sacar proveito.

ACTA 4 (5-12-06)

Na asemblea do martes tocáronse os seguintes puntos:

- as datas da XXII Semana da Educación Crítica pode ser como moi pronto para o 16 de abril (16-21 de abril). Antes hai dous practicums e a semana santa. Temos que comezar a traballar con esta data de referencia.

- Lore Castro: creo que tes ti os nomes das persoas que están en cada comisión, non? en canto poidas cólgaos na páxina e engádelle as novas persoas que se uniron a cada unha. agora poño os nomes que na asemblea sabíamos.
- Xa hai xente para a comisión de finanzas: Javi, Elena López, David Castelao y Olga
- Difusión: Elena López, Ester García, Andrea, Mané, Marcos, Javi
- Contactos: Nilson, Mané, Andrea
- Papeleo: ???

- Temos que facer unha nova lista das persoas que están na Asemblea para presentar a Belén e que poidan coller a chave do local de alumn@s.

- Pensamos que sería moi bo que cada comisión de traballo faga a súa memoria en cada unha das reunións que teñan. Ademais, que a comisión de papeleo sexa a que se encargue de ir recollendo as ideas de cada asemblea para facer despois un resumo na páxina e unha proposta de obxectivos para a seguinte asemblea.
Con todo isto estamos a conseguir deixar recollido todo o que imos facendo para a organización da Semana. Esta información pode resultar moi interesante para que os alumn@s que nos veñan detrás teñan ideas das que partir para organizaren próximas Semanas da Educación.

- Con respecto a isto, Nilson propuxo a idea de crear unha paxina web da Semana da Educación, na que ir colgando fotos e todos as informacións que vaiamos tendo co mesmo fin de que os que nos seguen teñan unha base de datos da que partir.

- Outra cousa. Pensamos tamén que é moi importante que chegado as datas da Semana, insistamos ó profesorado para que motivo ós seus alumnos a participar. Pero debemos incidir en que esta motivación non sexa a base de pedirlles facer unha práctica despois na aula, posto que entón o motivo polo que virían a participar sería por cumprir cos deberes que manda o profesor e non por verdadeiro interese polas temáticas abordadas.

- fixemos unha breve chuvia de ideas. Meto en arquivo adxunto

- temos dúas novas incorporacións!: David Castelao, do Norte (que ben nos ven!!, que se mova o Norte dunha vez!!!) e Ester García, do Sur. Inclúo os seus datos na lista.

- PROXIMA ASEMBLEA: mércores 13 DECEMBRO, 14:15 na entrada da facultade de maxisterio no Campus Norte.